Download Economía sostenible y emplegu calidable.

Área 4: Economía sostenible y emplegu calidable.
4.1 Generar empléu estable dignu y equitativo.
a) Políticas eficientes de formación pal emplegu.
b) Modelu d'emplegu calidable y condiciones d’equidad.
4.2 Sofitar la economía social, el trabayu autónomu y les pequenes
empreses.
a) Meyora del trabayo aules pequenes empreses.
b) Fomentu de la economía social.
c) Facilitar la puesta en marcha d'actividaes granibles.
4.3 Fomentar los sectores empobinaos al desenvolvimientu económicu
sostenible.
a) Reorientación del sector de la construcción a la rehabilitación y eficiencia
enerxética.
b) Midíes de sofitu al pequenu comerciu.
c) Establecer un sistema de midíes de corresponsabilidá pa los ciudadanos.
d) Fomentu de la Economía Ecolóxica.
Área 4: Economía sostenible y emplegu calidable.
La política económica qu'hasta'l momentu desenvolvieron los gobiernos municipales foi
fondamente ineficaz, inxusta y insostenible. Basada na aplicación seguidista nel ámbitu municipal
de les polítiques económiques antisociales emanaes de los gobiernos centrales, incapaz d’inciatives
alternatives llevónos a l'actual situación de grave deterioru social y económicu.
Somos Llangréu va trabayar nes midíes necesaries que favorezan iniciatives pa reorientar el
modelu granible, que revierta'l sistemáticu esmantelamientu de l'actividá granible, y que tea
empobináu a la consecución d'un nuevu modelu sostenible social y medioambientalmente. Pa ello
hai qu'apuntar escontra garantizar un emplegu calidable, recuperando les condiciones llaborales
de los trabayadores y qu'integre a la población desemplegada. Ye necesariu poner en marcha un
nuevu modelu granible que se base nel I+D+I, na eficiencia enerxética, la economía de los
cuidadanos y nos sectores tecnolóxicos. Un modelu que favoreza a los verdaderos xeneradores
d'emplegu, la pequena economía, el trabayu cooperativu, y los recursos y oportunidaes del nuesu
conceyu.
Somos Llangréu va poner los presupuestos del Conceyu, la fiscalidá, les ordenances y
normatives y les sos infraestructures al serviciu d'esti nuevu modelu.
4.1 Generar emplegu estable, dignu y equitativo.
Frente al fracasu de les polítiques de devaluación salarial y precarización de les
condiciones de trabayu, proponemos un modelu d'emplegu calidable, qu'apueste pola
formación, con meyores condiciones llaborales y xornaes que faciliten la
corresponsabilidad colos cuidos de los llares.
a) Polítiques eficientes de formación pal empléu ..
-
-
Ameyorar la formación con aprendizaxe nes empreses, encamentando al Gobiernu
Rexonal que promueva un sistema de práutiques afechiscamente remuneradas nes
mesmes pa fomentar l'insertamientu d'estudiantes de ciclos formativos.
Establecer una formación pal emplegu que respuenda a la demanda afaciéndola a los
retos del texíu económico.
Desenvolver un plan d'insertamientu llaboral pa mozos, col fin de desaniciar pasu ente
pasu la tasa de desemplegu nuevu y garantizar salarios y condiciones llaborales dignes.
Desenvolver un plan de reincorporación al mercáu llaboral para paraos de llarga
duración con especial atención a les persones de mayor edá, facilitando la so entrada en
proyeutos sociales municipales.
b) Modelu d'emplegu calidable y en condiciones d’equidad.
-
Venceyar la compra pública y la contratación de servicios del Conceyu al fomentu d'un
modelu económicu social y ecolóxicamente sostenible.
Implementar midíes positives pa la contratación d'empreses con plantiya equilibrada
ente muyeres y homes, cooperatives y autónomos.
Estender de manera progresiva los drechos llaborales y les midíes de corresponsabilidá
familiar del emplegu públicu a tol personal de los servicios municipales.
Dotar progresivamente de personal público suficiente pa la prestación de los servicios
encamentaos al Conceyu, pa evitar el deterioru de los mesmos.
Replantegar los planes d'emplegu actuales nel Conceyu escontra la formación y
l'insertamientu llaboral, evitando la precarización nel emplegu públicu.
4.2 Sofitar la economía social, el trabayu autónomu y
les pequenes empreses.
La recuperación económica tien de faese facilitando les condiciones de
desenvolvimientu y sofitando a quien realmente xeneren emplegu: Les PYMES y
autónomos y autónomes, según fomentando una nueva economía social y solidaria.
a) Impulsu y meyora del trabayu autónomu y les pequenes empreses.
-
Fomentar la formación y l'incorporación de la conocencia profesional na xestión de
pequenes empreses, cooperatives y empreses familiares, p'ameyorar el so rendimientu.
-
Sofitar en collaboración con otres entidaes rexonales la planificación estratéxica pa
incentivar y favorecer el desenvolvimientu d'iniciatives de negociu nos espacios
granibles del conceyu.
-
Escorrer la implantación real y efeutivo de nueves empreses y fomentar el
desenvolvimientu de redes de collaboración ente les mesmes.
b) Fomentu de la economía social.
-
Desenvolver midíes de sofitu a cooperatives o espacio auto-xestionaos al traviés de
recursos económicos, suelu, locales y otros recursos profesionales, con especial atención
a les cooperatives con xestión paritaria ya incorporación de medios de
corresponsabilidad familiar ente muyeres y homes.
-
Impulsar les redes vecinales y grupos de consumu de distribución y promoción de
productos agroecolóxicos y de proximidá.
-
Sofitar el comerciu xustu declarándose “Conceyu pol Comerciu Xustu”.
Sofitar les Entidaes d'Economía Social y Solidaria.
c) Facilitación de la puesta en marcha d'actividaes granibles.
-
Simplificar la tramitación alministrativa pa facilitar la creación d'empreses,
especialmente cooperatives y pequenes empreses.
4.3 Fomentar los sectores empobinaos al
desenvolvimientu económicu sostenible.
Dende Somos Llangréu defendemos la necesidá de reorientar los sectores granibles
actuales ya incentivar el desenvolvimientu de nuevos sectores, avanzar escontra un nuevu
modelu económicu. Apostamos por un sector de la construcción empobináu a la
rehabilitación y eficiencia enerxética, un turismu responsable, un comerciu de cercanía y
sectores de futuru con alta capacidá de xeneración d'empléu, como la economía ecolóxica,
les enerxíes anovables, la economía de los cuidos y un nuevu texíu industrial de base
tecnolóxica . Según la reactivación y aprovechamientu de los recursos qu'ufierta la zona
rural.
a) Reorientación del sector de la construcción a la rehabilitación y
l'eficiencia enerxética ..
-
-
Promover una auditoría enerxética de los edificios municipales y ellaborar un plan
d'autosuficiencia y rehabilitación de los edificios públicos, qu'incluya actuaciones en
servicios de climatización, aislamientu y llume, coles mires d'avanzar na so conversión
n'edificios de mínimu consumu.
Incorporación nes ordenances municipales de criterios de construcción enerxéticamente
eficientes nos edificios de nueva construcción.
b) Midíes de sofitu al pequenu comerciu.
-
Afaer les ordenances a les necesidaes del pequenu comerciu.
c) Establecer un sistema de midíes de corresponsabilidad pa los
cuidos.
-
Aumentar los recursos y equipamientos municipales destinaos al cuidu de la infancia, la
tercer edá y les persones dependientes, según a les persones cuidadores.
Establecer un sofitu económicu afayadizu pal cuidu domiciliariu a la dependencia que sía
equitativo para toles diversidaes familiares y de convivencia.
Sofitar cooperatives o espacio auto-xestionaos de mayores.
d) Fomentu de la Economía ecolóxica.
-
Impulsar midíes de sofitu y fomentar l'aprovechamientu de los recursos agrícoles,
forestal y ganaderu de la zona rural.
Declarar el conceyu Zona Llibre de Trexénicos dientro de la Rede Europea.
Potenciación d'iniciatives granibles de reciclaje, recuperación y arreglu de residuos,
materiales y bienes.
Promoción activa de les enerxíes anovables por aciu campañes de sensibilización y
formación, fomentando'l autoconsumo.
Potenciación de l'Axencia Local de la Enerxía (ENERNALÓN).