Download ii premiu al meyor cantar en llingua asturiana (año 2008)

IV PREMIU AL MEYOR CANTAR (AÑU 2010)
El “Premiu al Meyor Cantar” nació nel añu 2007 como reconocimientu
del Gobiernu del Principáu d’Asturies a la creación musical en llingua
asturiana o gallego-asturianu, y llega esti añu a la so cuarta edición.
Acordies coles bases, puen optar a esti galardón les canciones con
lletra n’asturianu o gallego-asturianu que fueran comercializaes ente’l 1 de
xineru y el 31 d’avientu del 2009, una y buenes sían obres musicales de
creación orixinal. Na presente edición, cumplíen estos requisitos un total de
106 temes interpretaos por 21 grupos o artistes.
Un xuráu formáu por espertos en música y llingua asturiana escoyó a los
cinco finalistes, que van actuar en directo’l próximu día 20 de febreru, con
motivu del Día Internacional de la Llingua Materna, na Gala d’Entrega del
Premiu, que va retresmitise pola Televisión del Principáu d’Asturies (TPA).
L’actu emprima a les 19.00 hores nel Auditoriu de la Casa de la Cultura
“Teodoro Cuesta”, de Mieres del Camín.
Los grupos finalistes na presente edición son, por orde alfabéticu:

Brandal, con “Chueve” (lletra y música de Pedru Pereira). Esta
formación, nacida nel conceyu de Cangas del Narcea y que canta na
variedá occidental del asturianu, practica un folk melódicu de calter
tradicional valiéndose d’una instrumentación a mediu camín ente lo
acústico y lo eléctrico. El discu Na fonte la canalina, onde s’inclúi’l
tema “Chueve” ye’l primeru que publiquen.

Dixebra, con “El dinamiteru” (lletra y música de Primi Abella).
Formación decana del rock asturianu, Dixebra nació n’Avilés en 1987 y
hasta’l momentu publicó diez discos nos que’l grupo caltúvose fiel a les
sos premises fundacionales: facer un rock mestizu d’influencies variaes,
usar la llingua asturiana y reflectar nes sos lletres la realidá social
d’Asturies.

Lafu & Rebeca, con “El mio sitiu” (lletra y música d’Alejandro
Lafuente). El dúu artísticu formáu por Rebeca Velasco y Alejandro
Lafuente tien yá una trayectoria llarga na escena musical asturiana.
Publicaron trés discos de calter intimista y personal y nos que
esperimenten con diversos estilos musicales: jazz, folk, funky…

Misiva, con “La casa’l mieu” (lletra y música de Misiva). Misiva surde
nel año 2007, nel conceyu Grau, como un proyectu musical basáu nel
usu d’un punk-rock directu y reivindicativu. El so primer discu, del que
fai parte’l tema “La casa’l mieu” apareció nel añu 2009.

Xera, con “Tierra” (lletra y música de Xera). Con una propuesta
orixinal y novedosa nel panorama musical asturianu, Xera busca
fusionar
corrientes
entemeciendo
elementos
electrónicos
con
instrumentos acústicos casu del bouzuqui, el vigulín o la gaita. Esti
discursu musical concretóse hasta’l momentu na edición de dos discos.
L’espectáculu va zarrase cola actuación d’Alfredo González, ganador de la
edición anterior. Alfredo González ye un cantautor nacíu en Turón
qu’emprimó la so carrera musical al empiezu d’esta década, acompañándose
de primeres cola guitarra y depués col piano. Tien publicaos trés discos.
El grupu o intérprete ganador va representar internacionalmente a Asturies
nel Festival de la Canción en Llingües Minoritaries (Liet Internasjonaal),
organizáu col apoyu del Conseyu d’Europa, que va facese n’Inverness, la
capital de les Highlands escoceses.
Tola información d’ésta y les ediciones anteriores del Premiu al Meyor Cantar
va
tar
disponible
nun
sitiu
web
de
nueva
creación
(www.premiumeyorcantar.es) que va ufrir noticies, fotografíes y información
de los grupos y cantares finalistas. Amás d’ello, un reproductor va permitir
sentir los temes que compiten na Gala.