Download Malesa nan veneriko

Malesa nan veneriko.(SOA)
Kiko e ta?
Malesa veneriko ta malesa nan ku ta keda transmiti door di relason sexsual sin protekshon.
Tin dies tipo di malesa veneriko entre otro gonorea, aids (HIV), herpes malesa di pieuw i hopi otro
mas.
E siguiente sintoma nan aki por ta indikashon di un malesa veneriko:
 Blar,pèshi i herida riba entre otro penis,vagina, schaamlip of anus.
 Dolor ora di urina i dolor den anus.
 Pèrdida di sanger durante relashon of mei mei di bo menstruashon.
 Pieuw na parti intimo(gruawatamentu)
 Vocht kolo hel ku mal holor.
 Pus.
No ta tur hende por ripara ku nan ta infekta,vooral hende muhe ku no sa tin keha ku ta indika riba
malesa veneriko.
Dor di kiko e malesanan aki ta presenta?
Kasi tur malesa veneriko (SOA) ta keda okashona door di virus of bakteria.
Esaki ta sinta den slijmvlies i den vocht di e penis i tambe vagina,den spèrma sanger.
Bo por wòrdu kontagia ku e virus of bakteria na momentu ku bo tabata tin kontakto ku boka, anus,
penis of vagina ku un pèrsona ku tin e virus òf bakteria den su sanger.
Pieuw na parti intimo por ekspande nan mes ora ku dos pèrsona ta drumi sunu pega na otro of via di
pana di kama.
E por hasi daño?
Tin di e malesa nan aki ku sigur por hasi daño si bo no ta na tempu pa tratamentu. Serka hende
hòmber tin di e malesanan aki dana e webu nan ku ta produsi spèrma of okashona inflamashon na
prostaat. Serka hende muhe e por hasi diferente dano na bo matris. Inflamashon por duna bo
keintura,dolor i laga bo sinti bo mes malu. Pa termino largu infertilidat por ta e konsekuensia.
K’i ora bo mester bai dòkter?
Ta hopi importante pa bo bishita bo dòkter si bo tabata tin un relashon sexsual insigur ku un pèrsona
ku posiblemente bo ta sospecha ku e tin malesa veneriko, sigur si bo tin algun keho ku ta mustra un
di e sintoma nan menshona. Konsekuensia di un di e malesa nan aki lo por ta serio, i apesar di esei
bo por transmiti un di e malesa nan aki pa otro tambe.
Tin di e malesa nan aki mayoria biaha sa bai di nan mes of ku sièrto tratamentu.(ku eksepshon di
algun) Pero hopi hende tin bèrguensa ora ku nan tin e sospecha di tin un di e malesa veneriko i ta
masha difisil pa nan bishita un dòkter di kas,pero esei no ta e mihor solushon. E mihor solushon ta di
bishita bo dòkter pa bo ta na tempu di ser kurá of pa tratamentu. Papia kune di bo keho nan ku lo
por ta indika bo di tin un malesa veneriko.
Frei resposabel i sigur.
Door di frei sigur bo no ta kore e risiko di keda infekta. Pa evita un di e malesa nan aki ta mas sigur
pa frei ku un tiki mas koutela i evita di tuma spèrma of sanger den boka. Den un relashon sexsual
kaminda e penis, ta bini den kontakto ku boka, vagina, anus semper ta bon pa uza còndòm. Ora si
relashon anal uza un còndòm èkstra fuerte i supstansia nan flexibel traha abase di awa. Condom ta
duna bo un protekshon, pa motibu ku e ta evita e virus òf bakteria di penetra su mes. Pa uza un
còndòm no ta difisil pero mester uz’e na e manera korekto. Foyeto i mas informashon bo por pasa na
GGD SOA Kliniek, Famia Plania, Consperanza i ASNA (Aids Stichting Nederlandse Antillen)
tokante malesa nan veneriko (SOA) i otro malesa nan sexsual.
Tambe splikashon klaramente kon mester uza un còndòm.
Naturalmente bo por frei sin protekshon ora ku bo tin un persona fiho i si bo tin sigur ku boso niun
di dos ta infekta ku un malesa veneriko (SOA).
Pa evita embaraso tambe bo por lesa foyeto di “ Antikonseptivo “.
Mas informashon??
Pa mas informashon bo por:




Bishita bo dòkter di kas of puntra bo asistente di dòkter.
Bèl of pasa pèrsonal na GGD SOA Kliniek dilanti di El Senorial. Den e kaya di curacao
museum den otrobanda. Tel nr:432-5800/fax:432-5818
[email protected]
Bèl of pasa pèrsonal na Consperanza dilanti di Moskee den otrobanda.
Adres: Baraltwijk 3b Tel: 563-7430
Bèl of pasa pèrsonal na Famia Plania dilanti di Misa di Sta. Famia den otrobanda.
Adres: Mgr. Nieuwindtstraat 38 Tel:461-1323/ Fax: 461-1024
E-mail: [email protected]